Ég hef ákveðið að taka blogg pásu þangað til að ég hef frá einhverju mega spennandi að segja  Ekki bíða allavegana með öndina í hálsinum eftir nýju og fersku bloggi frá mér..
Minni bara á nino.is síðuna hjá dóttur minni  Kossar og knús..

Héðan af Hóruhúsveg er allt gott að frétta  Við erum loksins búin að koma öllu fyrir, setja öll Ikea húsgögnin saman (nema eina skúffu sem kom gölluð og ég bíð enn spennt eftir að þeir sendi okkur nýtt þannig stykki eftir að hafa sent okkur það einu sinni vitlaust ) og hengja upp alls konar hluti sem gerir íbúðina svakalega huggulega..
Eftir að hafa keypt nýjan sturtuhaus og skellt okkur í sturtu þá loksins fattaði ég hversu nægjusöm ég get greinilega verið.. Að hafa baðherbergi aftur er æðilegt, ég kemst fyrir inn í sturtunni núna sem er svona svipað stór og allt gamla baðberbergið okkar.. Ég hélt samt ekki að ég væri þessi nægjusama manneskja en það hefur sannarlega komið á daginn að ég er það.. Nýjasta dæmið er með baðherbergð og síðan þegar við vorum nýflutt hingað út og ég hjólaði á hjóli fyrir 12 ára í 6 mánuði því að ég gerði mér ekki grein fyrir því hversu lítið það væri  En það er gott að vera nægjusamur enda þegar maður þekkjir ekki lúxusinn þá er erfitt að vita að hann er betri..

Það er svo margt sem að ég elska við þessa íbúð.. Auðvitað baðherbergið, ruslarennuna sem er beint fyrir utan hurðina hjá okkur, ég elska ofninn í elhúsinu hann er að virka svo vel með blæstri og alles, þvottahúsið niðri í kjallara sem er með 2 vélar sem maður getur notað og þurrkara, allar sjónvarpsstöðvarnar sem fylgja íbúðinni, staðreyndina að heimasíminn er hættur að detta út eftir 10 mín, við erum ekki með dyrasíma þannig að nágrannarnir eru ekki hringjandi á okkar allan sólarhringinn, það heyrist mun minna á milli íbúða og að sjálfsögðu að við erum einni hæð neðar.. Allt þetta eru kostir sem að ég elska og það fyrir minni pening á mánuði  Eina svona sem ég sakna úr hinni íbúðinni er helst stór ískápurinn og frystihólfin en ég fer þá bara oftar í búð og reyndar vantar svona lágvöruverslun í nágrennið en maður neyðist þá bara til í að versla í lúxusbúðunum eða hjóla aðeins lengra..

Vikan er búin að fara rosalega mikið í stúss allskonar, það var fyrst í dag sem ég hafði ekkert að gera og fór því að kaupa íslenskan fisk  Íslenska fiskbúðin er nefnilega ekkert svo langt frá.. Ég notaði líka ferðina og keypti eina appelsín og rjómasúkkulaði mmm..

Síðan er minn dagur alveg að koma eða bolludagurinn og ætla ég aldeilis að halda upp á hann  Þetta verður reyndar frumraun mín í bollubakstri en ég hlít að redda því enda er ég að elska ofninn hérna og ætti hann að klára þetta verkefni fullkomnlega vel..
 
En ég ætla að fara að elda íslenska fiskinn minn  síðan ætla ég að setja inn myndir af íbúðinni ykkur til yndisauka..

Ég hef verið nokkuð upptekin að undanförnu og hef því ekki nennt að skrifa neitt hérna inn  en þar sem ég vaknaði fyrir allar aldir og unnustinn stein sefur þá er alveg upplagt að skrifa nokkur orð..

Síðan síðast hefur ansi margt gerst  Andri skellti sér í vikuferð til Möltu og hafði það mjög gott þar að sjálfsögðu.. Á meðan fékk ég góða gesti, þær Tinnu og Þórörnu og brölluðum við margt skemmtilegt saman..

Ég sótti síðan lyklana af stúdentagarðaíbúðinni 15.febrúar og fluttum við hingað inn í gær.. Flutningsdagurinn gekk vel þó svo það hafi verið afar lítil hjálp í mér en við fengum gott fólk til að hjálpa okkur með þetta allt saman og var allt dótið okkar komið hingað á Hóruhúsveginn um eitt leytið.. Þá drifum við okkur í Ikea og keyptum næstum því alla búðina.. Vorum samt að gera gríðarlega góð kaup því að einhverra hluta vegna voru allir skápar og kommóður sem að við vorum að kaupa á afslætti akkurat yfir þessa helgi þannig að lukkan var með okkur í þetta sinn
Við síðan kláruðum að þrífa Rentemestervej í gærkvöldi og erum síðan að fara að skila lyklunum á eftir og ætli það sé ekki þess vegna sem daman er vöknuð fyrir allar aldir.. Finnst samt mjög undarlegt að vera að fara þangað í síðassta sinn á eftir enda erum við búin að búa þar í 2 ár og hefur líkað mjög vel fyrir utan þá kannski alla stigana og pínulitla baðherbergið en það var þó eitthvað sem alveg mátt lifa með..
Það verður mjög ljúft þegar við verðum búin að koma okkur almennilega fyrir hérna og vonandi náum við að gera flest allt í vikunni.. Þá vonandi fer íbúðin að vera "heima" þó að það geti að sjálfsögðu tekið einhvern tíma   

En jæja best að fara að vekja Andra og hafa sig til  

Heilsan er orðin mjög góð en var um smá flesu að ræða og var ég heima við í 3 daga í síðustu viku að ná því úr mér.. Ég er orðin fín núna en enn með smá kvef..

Í dag er 15.desember sem þýðir að aðeins eru 9 dagar til jóla  2 dagar í að við fljúgum til Íslands og 3 dagar í að við komum heim í héraðir fagra.. Það er reyndar búið að seinka fluginu okkar um einn og hálfan tíma sem að er svekkjandi því að við lendum þá ekki í Keflavík fyrr en hálf 12 um kvöldið.. Síðan er spáð vondu veðri og snjókomu en ég hef fulla trú á því að það reddist allt saman eins og yfirleitt en ef ekki þá finnum við nú bara lausn á því..
Það verður æði að koma heim og slappa af og dunda við jólaundirbúninginn Mamma er nú auðvitað búin að flestu þannig að lítið verður um stress fyrir jólin hugsa ég..

Ég er síðan umvafin karlmönnum þessa dagana því að Óttar er í heimsókn hjá okkur og 2 vinir hans  Þannig að það er nóg að gera á stór heimili.. Þeir fara síðan á morgun aftur heim..

Að gefnu tilefni langar mér að koma með smá beiðni til vina og kunningja og vona ég að þið virðið það.. Ég hef lent mikið í því núna fyrir jólin að fá beiðnir um það frá hinum og þessum um að hvort að ég geti ekki skroppið hingað og þangað og keypt eitt og annað og komið með heim fyrir viðkomandi.. Mér þætti rosalega vænt um það að þið mynduð sleppa því að biðja mig um þetta !
Ég á erfitt með að segja nei og finnst mjög erfitt að þurfa að vera gleðispillir og neita að gera þessa greiða.. En málið er einfaldlega það að ég er alls ekkert alltaf í búðum þó svo að ég búi í DK og fer sárasjaldan orðið niður í bæ að versla.. Því er það alls ekkert í leiðinni fyrir mig að skjótast í næstu HogM búð sem er almennilega stór.. Síðan vil ég benda fólki á það að það má einungis taka 20 kg með sér í farangur milli landa og það er ansi fljótt að safnast saman þegar ég er með 10 kg af fötum fyrir hina og þessa ! Mér þætti mjög vænt um að fá að taka mitt eigið dót með mér þegar ég ferðast og neyðast ekki til þess að sleppa því að taka auka skó og föt með af því að ég hef ekki pláss..
Ég vil því benda á að það eru margir sem gera út fyrir þessa hluti á facebook og væri ekki vitlaust fyrir ykkur að skoða það því að ég er alls ekki ein af þeim sem að stend í því bulli..
Ég vona að þetta hljómi ekki alltof asnalega en ég varð bara að koma  þessu á framfæri því að ég nenni ekki að svara fleiri mailum um hvort að ég eigi ekki eftir að kíkja í HogM fyrir jólin og geti ekki gripið þetta og hitt með í leiðinni..

Annars er ég að vona að piltarnir fari að skila sér heim svo að við getum farið að elda  Lofa ekki bloggi yfir jólin en vona að þið eigið frábær jól því að ég hugsa að mín verði það..

Þá er desember mættur í allri sinni dýrð  Það er enn snjór hérna hjá okkur og jólalögin spiluð alveg grimmt á heimilinu.. Fengum líka ofnin í stofunni loksins til þess að virka þannig að núna er heitt og notalegt hérna hjá okkur..
Plan dagsins er síðan að búa til rækjusalat handa spilagestum kvöldsins og sennilega þrífa kannski smáveigis..

Ég notaði síðan gærkvöldið af mestu leyti í það að bæta við fleiri íbúðum á umsóknina okkar um skólagarða.. Vorum búin að finna þessa líka kósý skólagarða sem að Andri var búin að finna á korti og samkvæmt því var það á svona líka góðum stað og allt alveg frábært við það.. Síðan kíkti ég betur á þetta í gær og komst að því að hann hefði miskilið heimilisfangið eitthvað smáveigis.. Skólagarðurinn var þá 20 km fyrir utan Kaupmannahöfn en ekki svona ca 5 km héðan þannig að við ákváðum að láta það eiga sig
Reyndar varð ég að hætta þessu snobbi og sækja um fleira sem í boð var eins og td á Amager.. Veit ekki alveg afhverju ég er er búin að bíta það í mig að Amager sé ekki góður staður að búa á en við ákváðum allavegana að sækja um þar og á þessum skólagörðum eru 30 íbúðir í boði og hækkuðum við þá úr 45 íbúðum í 75 íbúðir sem gera möguleikana að sjálfsögðu meiri.. Svo sem alls ekki slæm staðstening, aðeins 10 mín hjólatúr á Ráðhústorgið og metro ekki svo langt frá.. En ef að við fáum íbúð þar vil ég endilega að allir sem ég þekkji flytji líka út á Amager 
Andri nefnilega hringdi á skrifstofuna sem sér um skólagarðana í vikunni og komst að því að við værum roslega ofarlega á biðlistanum og við ættum að sjálfsögðu meiri möguleika ef að við myndum bæta fleiri íbúðum við, sem vissum nú reyndar.. Síðan sagði hann honum að hafa aftur samband í janúar og þá myndum við taka stöðuna og vonandi finna einhverjar lausnir  Og þessi maður vill endilega fá okkur út á Amager og talar ekki um neitt annað en að kíkja á skólagarðana þar, þannig að við urðum að láta undan svo við lendum ekki í því að búa i pakkakassa í mars..
Og meðan ég man þá vil ég endilega biðja alla þá sem ég þekkji hérna í þessari fínu stór borg að taka strax sunnudaginn 27.febrúar og eða mánudaginn 28.febrúar frá  Því að þá vantar okkur hugsa ég alla hjálp sem við mögulega getum fengið til þess að flytja ef að við verðum komin með einhverja íbúð þá.. En ef að engin íbúð verður komin þá, þá vantar okkur starfsmenn í garðsölu sem verður haldin hérna í garðinum okkar með öllu dótinu okkar haha..

Annars er ég lengi búin að ætla að spurja um eina húsmóðurslega spurningu.. Hversu margir eru það sem að skúra enn heima hjá sér með kústi og gólfklút ? Ég nefnilega er búin að sjá það að nær helmingur af fólkinu sem að ég þríf hjá er aðeins með kúst og gólfklút til þess að skúra með og þetta er að gera mig geðveika og svo ekki sé talað um æðislegu vinnuaðstöðuna sem þetta er.. Ég elska fólkið sem á svona veljulega moppu eins og flestir íslendingar eiga
Man nefnilega aðeins eftir því einu sinni að hafa séð mömmu nota svona og þá vorum við í sumarbústað og hún hafði einmitt orð á því að hún yrði bara að skúra á gamlamátann því að það væri ekki nein moppa til.. Dönsk gamalmenni eru greinilega eitthvað á eftir í þrifnaðartækninni eða er alveg sama hveru ömurlegt er að skúra með þessu þar sem að þau þurfa ekki að gera það sjálf..

Með þessari góðu pælingu þá læt ég þetta gott heita í bili  Njótið aðventunnar..